ليليان نمري تتعرّض لحادث سير: "المجانين كترانين!"

تعرضت الممثلة ليليان نمري لحادث سير، أصيبت على إثره كسر في يدها.

وروت نمري تفاصيل الحادث في منشور عبر "فيسبوك" جاء فيه: "اوعا تنزلوا من سيارة قبل ما تتأكدوا انو كل شي تمام ، معكن غراضكن بإيدكن مثلا او الجاكيت مش علقانة بالباب او ما تسكر باب السيارة عالجاكيت وخاصة اذا الشوفور بلا مخ وبيقَلِع بالسيارة متل الطيارة قبل ما يتأكد انو اللي معو نزل وطبش الباب وقلو تمام".

أضافت: "إنتبهوا عا حالكن المجانين كترانين منكون منعرفن بس مش منتبهين انو مجانين ... نشكر الله قطوع ومرق بس ولا عالبال .. الحمدلله عا كل شي انتبهوا من كل شي كل شي".

وتابعت: "شكرا لكل الطاقم الطبي وللمسؤولين العامين واقسام الطوارئ والأشعة بمستشفى رزق و للمحبة والرعاية والإهتمام اللي ما بينوصَف إللي ولكل المرضى بالطوارئ .. الله يبارك قلوبكم ويعطيكم الصحة ويبعد عنكم كل شر .. صحيح إنكسرت إيدي بس بقوة الرب انا قبضاي".