بعد أن اصطبغ باللون البرتقالي طوال سنوات، وظلّ في خط الدفاع الأول عن العهد والتيار عوني، بدأ الفنان زين العمر بمراجعة مواقفه، ليعلنها صراحة عبر حسابه على " تويتر" "كلكن يعني كلكن".
ووجّه زين العمر سهامه إلى وزير الاقتصاد راوول نعمة وكتب
"معالي وزير الإقتصاد إيه أيه بشرفك بشرفك خلًيك للأسبوع الجايي كرمال تاخد الإجرائات اللازمة بخصوص الأسعار الغذائية
وحياتك على مهلك انطور الدني بألف خير
شو بدي خبرك يا هيك يا بلا
نحنا ممنونين عينك يا خييي الفقير إنت ".
ثم توجه إلى الرئيس حسان دياب قائلاً:
"دولة الرئيس حسان دياب
قلو لهيدا ورير الاقتصاد يفل على بيتو لأنو متل قلتو.
نحنا منحترمك دولة الرئيس قلو لهيدا الفاشل يفل على بيتو قبل ما نبلش مسبات متلنا متل غيرنا.
الجوع كافر ونحنا كلنا جعنا خبرو لوزيرك اذا ما معو خبر النصيحة بجمل".
ثم عاد وكتب تغريدة توجّه فيها إلى الطبقة الحاكمة بالمجمل دون ان يستثني التيار العوني فكتب:
"رسالة الى كل الزعماء كلكن يعني كلكن:
إضفر إجر من ولادنا أشرف منكن كلكن
يا كذابين بس هيك فهمتوا أو بعيد ....يلا فكوا
اللهم إني قد بلّغت .تفه عليكن قرفتونا وحوعتونا شو ناطرين بعد".
ولدى معاتبة البعض له واتهامه بأنه ينقلب على العهد كتب:
"قولوا الحقيقة مهما كانت صعبة ..
ما حدا يربحنا جميلة كل من يسكت عن فاسد من رجل دين إو زعيم فهو مشارك بقتل الشعب اللبناني خلصنا كذب .او منشوف زعماء بالحبس أو كلكن كذابين مفهوم .
يللي مش عاجبو حديثي يدق راسو بالحيط مين ما كان يكون
ويللي بحب لبنان اكتر مني يحاسبني قرفتونا".
وختم قائلاً "أوعا حدا يكون مفكرنا إنو منشتغل عند اي زعيم
الى القاصي والداني نحن أحرار ولسنا عبيد عند أي زعيم
رسالة أخيرة أو هذا الأسبوع نرى زعماء في السجون وإسترداد للمال المنهوب من الشعب اللبناني !! أو كلكن كذابين
ويللي مش عاجبو يفل من صفحتي
صفحتي للأحرار فقط".
يذكر أن زين العمر حمل لواء الدفاع عن رئيس الجمهورية العماد ميشال عون وتياره السياسي، وكان يضيء دوماً على الجوانب المشرقة في البلد، ويقلل من حجم المشاكل حفاظاً على صورة العهد إلى أن انفجر وقرّر وضع الامور أخيراً في نصابها.
يلفت موقع Mustaqbal Web الإلكتروني إلى أنّه ليس مسؤولًا عن التعليقات التي ترده ويأمل من القرّاء الكرام الحفاظ على احترام الأصول واللياقات في التعبير.