كتب محمد دياب:
وينك يا رفيق...وينك يا بي الكل...
بتعرف يا رفيق شو صار بأبن بيروت ابن بيروت بغيابك صار عم يموت على باب المستشفى.
بتعرف يا رفيق شو صار بأبن الشمال. ابن الشمال صار ايا تهمة بلبسو هيي و بصير ارهابي.
بتعرف يا رفيق شو صار بأبن البقاع صار يعتبروه الكل مهرب و تاجر سلاح.
يا رفيق غيابك دمر لبنان.
يا رفيق انت فليت ورجعت ايام ما قبل الطائف.
يا رفيق انت صرت بالجنة و نحن بالنار.
هني ما قتلوك هني قتلوا كل شاب لبناني قتلوا كل أم فجروا العاصمة مرارا وتكرارا لتنفيذ رغباتهم الي كانوا ما قادرين يعملوها بوجودك..
يا رفيق ٣٦ الف طالب تعلموا على حسابك صارو هلق بالبيوت قاعدين ما عم يقدروا يشتغلوا.
يا رفيق كنت حلم لكل شاب صار حلمك لكل الشباب.
يا رفيق بلدنا انهار.
ادخلوا علينا الوباء وهربوا المساعدات وفجروا المدينة و حرقوا البيوت و قتلوا الشباب.
يا رفيق كل الي سعيته و عملت الطائف صار عنا عهد قوي كتير علينا و نحن بكل لحظة منستذكرك نحن ما فينا من دونك.
١٦ سنة و انت غايب عنا.
لا سياحة في عنا ولا زوار ولا ابن بيروت صار فيه يطلع على جبيل وبدهم يعملوها إمارات لزعمائهم.
١٦ سنة ما في كهرباء ولا ماي ولا فاي.
١٦ سنة الشباب عم تموت من جوعَ.
١٦ سنة الامهات بتنطر ابنها ليرجع اخر الليل.
١٦ سنة والبلد بفوضى كبيرة.
يا رفيق دولارنا الي حاربتة كرماله صار ب ٩٠٠٠ الف.
يا رفيق راس بيروت منطقتك من بعد ما فليت ما بتنداس.
يا رفيق فليت و اخدت معك لبنان.
يا رفيق قلت لبنان لكل لبنانيين.
يا رفيق لبنان ما بقا فيه لبنانيين.
يا رفيق ضحية كرمال العيش المشترك. ما بقا في عيش مشترك بيطلع شخص بهدد الاخر.
يا رفيق نحن مش بخبر.
يا رفيق بيروت كانت على ايامك سويسرا الشرق و كان حلمك تصير متل موناكو و دبي و مدريد و باريس.
بس يا رفيق بيروت صارت مهجورة من احبابها ومن اهلها و من روادها.
حاولوا غرس بيروت بافعالهم الشنيعة ونجحوا بهالشي. بيروت اليوم حزينة ورفيقها مش حدها بيروت على ايامك كانت منارة المتوسط اليوم صارت عابرة من المتوسط.
مع السعد رجع املنا كبير. بس مع السعد زادت الامور تعقيدا. مع السعد حاربوه بالاقتصاد بالاخلاق بالعائلة ب المتفجرات بالفساد بالسمعة الطيبة ونسيوا انه ابن الرفيق و فكروه يلبسوه قميص الاتهمات.
بس يا رفيق
رجاع بس شوي و صلح هالبلاد.
رجاع بس شوي وشوف شو صار بالعباد.
رجاع بس شوي وشوف شو صار بالاولاد.
رجاع بس شوي وشوف شو صار بالاكباد.
رجاع بس شوي وحاسب الحكام.
رجاع بس شوي ورجع السياحة و العمران و النهضة و حبب الاخوة ببعضهم و نرجع ايد واحدة.
رجاع بس شوي ورجع كرامة بيروت.
يا رفيق الدرب دربنا مش بخير.
بس نحن مع السعد كما الرفيق .
الي خلف ما مات.
يلفت موقع Mustaqbal Web الإلكتروني إلى أنّه ليس مسؤولًا عن التعليقات التي ترده ويأمل من القرّاء الكرام الحفاظ على احترام الأصول واللياقات في التعبير.