أعربت الفنانة نانسي عجرم عن غضبها من قرار إقفال البلد 4 أيام، متسائلة كيف سيعيش الفقير المرغم على العمل.
وكتبت عبر حسابها على " تويتر"
"بالنسبة للإقفال العام ورفع حظر التجول، ممكن نعرف على أي أساس هالقرارات عم بتكون؟
يعني يومين زحمة وناس بالشوارع والمحال التجارية وكتار غير ملتزمين بالتدابير الوقائية و٤ إيام تسكير وين الفايدة؟".
وتابعت في تغريدة ثانية "لبنان وصل لمرحلة من بعدا صارت صعبة كتير نرجع لو حتى متل ما كنا.. يمكن كان الأجدر اصدار قرار بيلزم كل الناس احترام التدابير الوقائية (فرض الكمامات وغيرها من أساليب الحماية) من دون شلّ البلد، على إن يوم نفتح من دون رقابة و١٠ لأ..".
وتابعت "الفقر والجوع وكل الظروف الصعبة اللي صارت مفروضة فرض عالشعب مين بيتحمل مسؤوليتها؟؟ الناس اللي عم بتموت من الجوع كيف بتكمّل؟؟".
وختمت قائلة "منفتح يومين من دون رقابة وبعد الكارثة منسكر، واللي عم بموت من الجوع والفقر ومجبور يشتغل تيعيش ويعيِّش عايلته شو بيعمل؟؟".
يلفت موقع Mustaqbal Web الإلكتروني إلى أنّه ليس مسؤولًا عن التعليقات التي ترده ويأمل من القرّاء الكرام الحفاظ على احترام الأصول واللياقات في التعبير.