فنانو لبنان ينتفضون في وجه الحريق ورسالة مدوّية من إليسا

انتفض فنانو لبنان وإعلاميوه ليسجّلوا صرخة غضب، في وجه غضب الطبيعة الذي أحرق لبنان، رغم المساعي التي قامت بها وزارة الداخلية والجيش اللبناني والدفاع المدني، إذ أنّ الحرائق كانت أسرع من كل المحاولات الحثيثة لاحتوائها.

الرسالة الأقسى كانت من الفنانة إليسا، التي وجّهت صرخة إلى النظام الطائفي، الذي حال دون تعيين حراسٍ للأحراج، ما تسبّب بكل هذه الفوضى، وحال دون تطويق النيران مبكراً.

فكيف عبّر النجوم عن غضبهم؟

إليسا:

أطلقت إليسا صرخة مدوية جاء فيها "عم فتش عا حدا لومو على اللي صاير بس ما عم لاقي. بلوم يللي ما وظّفو حراس الأحراج لأسباب طائفية، أو يللي استكترو صيانة طوافات وفضّلو يكزدرو فيهن، أو يللي بيلاقو ميزانية وزاراتن أهم من وزارة البيئة. لو بيحترق هالنظام السياسي الطائفي كلو شو بيكون أفضل".

وكانت قبلها قد كتبت "قلبي عم يحترق مع كل عيلة عم تضهر من بيتها بهالحرايق، ومع كل حدا عم يضيع رزقو، ومع كل شخص ما نام ببيتو من ورا النار. يا حرام عا بلدنا. إذا عاش أزمات وتخطاها، بيجي غضب الطبيعة يكفّي عليه".

نوال الزغبي

نوال كتبت تغريدة جاء فيها "طبيعة لبنان هي جنّته، و النار تغتالها بوحشية ... لازم الدولة كلها تستنفر لإنقاذ رئة لبنان! اكبر حرام الاستهتار ولازم كلنا نكون دفاع مدني".

نانسي عجرم

اكتفت نانسي بتغريدة مختصرة كتبت فيها "يا عدرا تحمي لبنان

قلبي عم يحترق. الله يحمي بلدنا ويكون معنا".

مايا دياب

مايا دياب كتبت سلسلة تغريدات جاء فيها "الشوف يحترق ولا حياءَ لمن تنادي".

وتابعت "الدولة نائمة ولبنان اللي كان أخضر وباقي منو ما لا يُذكر من الخَضار عم ينقضي على ما تبقّى منه..يا رب إرأف بهذا البلد".

وأضافت "يِسمع صراخ الناس المحاصرة في بيوتهم، في قلب النيران في بلدة الدامور بلا مساعدة ..منترجى الدولة تساعد الآن ،اصوات الاستغاثة عالية والمسؤولين نايمين والطوافات لن تتحرّك قبل السابعة صباحاً لماذا؟؟".

راغب علامة

راغب علامة أطلق بدوره صرخة غضب جاء فيها "في لبنان، وفي كل صباح نسمع عن عشرات بل مئات الفضائح لكن لا وجود على الإطلاق لمن يحاسب...مجلس النواب وأجهزة الرقابة أين أنتم؟؟؟ صح النوم".

وتابع "لبنان يحترق

وسيفرح المسؤولون بموسم جديد للصفقات والشحادة على ظهر الشعب".

أصالة

أصالة كتبت "يا ربّ إحفظ لبنان وأهله"، فاعترض بعض المعلقين مذكّرين الفنانة بأنّ النيران طالت مناطق واسعة من سوريا أيضاً.

ماغي بو غصن

كتبت ماغي تغريدة جاء فيها "أكتر من هيك ومن اللي صار امبارح وعم يصير هلأ ما بقا يصير ! رحمتك يا رب.. لبنان عم يحترق.. وأهل مناطقو عم يتهجّروا.. كارثة بيئية إنسانية ما بينسكت عليها.. الله يحمي الناس.. ويحمي هالبلد!".

نادين نسيب نجيم

نادين اكتفت بتغريدة مختصرة قالت فيها "اللهم احمي بلدي لبنان".

سيرين عبد النور

سيرين كتبت تغريدة جاء فيها "يا رب تحمي لبنان وكل الناس يللي عم تساعد الله يحميكن ويبعد الشر عنكن وعن الاطفال والعائلات بلدنا الأخضر عم يحترق قدام عيوننا ما في حرقة قلب اكتر من هيك ".

ميريام فارس

ميريام البعيدة عن السوشال ميديا، قطعت عزلتها وكتبت "منظر الحرائق في لبنان مؤلم و موجع".

وتابعت "يا رب احمي الناس، احمي شباب الدفاع المدني، احمي بلدي لبنان".

طوني خليفة

أما الإعلامي طوني خليفة فكتب "يا رب احمي لبنان ...شعبنا عم بموت حريق اليوم .... وبكرا غريق مع اول شتوة بعد ما موتوه تشحشط عالطريق.... فلوا يا فاشلين ....للدول مقوماتها ورجالاتها.".