فيك ترجع بس شوي؟... كلمات قليلة لكنها مؤثرة غصّت بها مواقع التواصل الإجتماعي، في مناجاة لرفيق الوطن رفيق لبنان.. الرئيس الشهيد رفيق الحريري.
فيك ترجع بس شوي؟... غصّة عبّر عنها محبو الرئيس الشهيد في هذه الأيام "العجاف" التي لا خبز فيها ولا كهرباء لا أمن ولا أمان ولبنان لم يعد لبنان.
وكلما اشتدت الأزمات عاد اللبنانيون بالذاكرة الى زمن رفيق الحريري.
هذا ما كتبته آلاء فتوح وضجت به مواقع التواصل في صرخة ألم وفقد لمن استشهد ليحيا لبنان:
“فيك ترجع بسّ شويّ..؟
تردّ الكهرباء والميّ..
تردّ بيّ ع شغله، ابنه عم يبكي جوعان..
فيك ترجع بسّ شويّ..؟
تردّ الأمن والأمان..
تردّ طالب ع جامعته، قسطه يدفع مش قدران..
فيك ترجع بسّ شويّ..؟
تردّ الهواء والفيّ..
تردّ الكرامي للفقير.. تطبطب ع كتف المسكين..
تحسسه انه موجود..
من بعدك والله في بيوت، انقلبت كلّ حالتها..
فيك ترجع بسّ شويّ..؟
تردّ التّلاميذ ع صفوفهم.. كرّهوهم عيشتهم..
ع مستقبلهم خيفانين.. ورحمة ترابك مافي مين..
لايسأل عنهم، ولا حتّى.. عن وضعهم يطمّنهم..
فيك ترجع بسّ شويّ..؟
همّ بكرة عتلانين.. عرفانين ومتأكّدين..
انّه مطرحنا باقيين، ومن السيء للأسوأ..
لا في راحة ولا أمان.. والي سرقنا شبعان..
قاعد ببيته سهيان.. بحالتنا مش دريان..
وإذا عرف، آخر همه.. ما الي صايبنا مش صايبه..
حتى الي كانوا بيكرهوك، والي هنّي روّحوك..
متمنايين يرجّعوك.. لتصلّح شو هنّي نزعوا..
فيك ترجع بسّ شويّ..؟
تردّ الأمل والأحلام..
جيلنا كلّه سفّروه.. عن ارضه بعّدوه..
ومن بعد ماهجّروه.. بلدنا هنّي احتلوا..
فيك ترجع بسّ شوي..؟
بيروت عم تبكي يارفيق..
لبنان اتدمّر ياشهيد.. دمّاتك ماكفّوه..
من بعدك جفّفوه.. فقّروه وجوعوه..
من بعدك قلّي مين..
من هالعتمي غيرك مين.. بيقدر للنّور يردّه..”
من قلبي للشهيد سيّدي الرّئيس
بيّ الغني والفقير
يلفت موقع Mustaqbal Web الإلكتروني إلى أنّه ليس مسؤولًا عن التعليقات التي ترده ويأمل من القرّاء الكرام الحفاظ على احترام الأصول واللياقات في التعبير.